Mbyllja e Qeverisë në SHBA – Ka gjasa të zgjasë deri për Krishtlindje, nëse nuk ka dakordësi
Mbyllja e pjesshme e Qeverisë Amerikane ka gjasa të vazhdojë deri për Krishtlindje, pasi Senati nuk arriti në një dakordësi ditën e Shtunë për kërkesat Donald Trump për të financuar murin.
Ndërkohë që nuk pritet një marrëveshje për paketën që do të financojë qeverinë, lideri i republikanëve në Senat, Mitch Mçonnell, i dha pushim senatorëve deri ditën e Enjte.
Ndërkohë që ai lajmëroi se do t’i thërrasë mbrapsht nëse arrihet marrëveshje, vendimi thuajse e siguroi mbylljen e qeverisë deri më atëherë.
Financimi për rreth 25% të programeve të qeverisë federale, përfshirë departamentet e Sigurisë Kombëtare, Drejtësisë dhe Bujqësisë, skadoi në mesnatë dhe nuk do të rinovohet deri sa të arrihet një marrëveshje.
Thuajse 400,000 punonjës federal nëpër agjenci do të punojnë pa pagesë deri sa të arrihet një marrëveshje.
Përforcimi i ligjit, patrullat kufitare, posta dhe operacionet në aeroporte do të vazhdojnë në funksion.
Mbyllja e Qeverisë shënon një javë të vështirë për presidentin, ndërkohë që Sekretari i Mbrojtjes, James Mattis dha dorëheqjen, duke protestuar vendimin e Trump për të tërhequr trupat amerikane nga Siria.
Lëvizja u kritikua gjerësisht, madje edhe nga vetë republikanët në Kongres. Trazirat politike shtuan shqetësimet për ekonominë dhe tregjet e aksioneve pësuan rënie të mëdha ditën e Premte.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.