McAllister për krizën – Zyrtari Europian reagon për herë të parë lidhur me negociatat
Një ditë pas dështimit të takimeve mes palëve politike shqiptare dhe dy zyrtarëve të lartë europianë, Zv/Presidenti i Partive Popullore Europiane, David McAllister ka publikuar një status ku ngre një paralajmërim për Shqipërinë.
David McAllister: “Kriza serioze politike në Shqipëri po rrezikon zgjedhjet e planifikuara për t’u mbajtur në Qershor. Në Tiranë, ndërmjetësova dje mes qeverisë dhe opozitës. Pati përparim shpresëdhënës në disa fusha. Por nuk ka konsensus për çështjen thelbësore të datës së zgjedhjeve dhe mundësinë e formimit të një qeverie teknike kalimtare. Tani duhet të kapërcejmë ngërçin politik”.
Ndërkohë në Tiranë vazhdojnë negociatat tek sa kemi parë disa takime ambasadoresh, mbledhje urgjente të krerëve të partive parlamentare si dhe deklarata të forta politike nga Kryeministri Rama dhe kreu i opozitës Basha.
Gjithsesi pavarësisht rrezikut të madh ndaj stabilitetit ende nuk kemi marrëveshje.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.