Me çfarë “po merret” Angela Merkel tani? Pensioni “i majmë” dhe jeta larg vëmendjes
Angela Merkel preferon të bëjë supë me patate dhe tortë me kumbulla; dy pjatat tipike të gjermanëve në stinën e vjeshtës. Sidoqoftë, Merkel nuk do të ketë kohë për të “shijuar” asnjërin nga këto dy procese gatimi, pasi ajo nuk e ka mbyllur misionin e saj. Ish kancelarja Merkel do të qëndrojë në detyrë në një rol kujdestar derisa të formohet qeveria e re.
Gjatë një vizite në Uashington DC në korrik, Angela Merkel u pyet se si e imagjinonte jetën e saj në pension. Edhe pse ajo i ishte përgjigjur kësaj pyetjeje me evazion në raste të tjera, këtë herë ajo bëri të ditur se së pari do të merrte një pushim dhe nuk do të pranonte asnjë ftesë. Merkel u shpreh se duhej të pranonte që detyrat e saj të mëparshme “tani do t’i bënte dikush tjetër”.
Merkel është shprehur se në kohën e saj të lirë do të mendonte vetëm për gjërat që i interesojnë vërtet, meqë ka pasur pak hapësirë për ta bërë këtë në 16 vitet e fundit.
Sa i takon pensionit, sipas përllogaritjeve, Angela Merkel mund të llogarisë një pension prej afërsisht 15.000 € në muaj. Përveç kësaj, ajo kualifikohet për siguri personale dhe një makinë zyrtare me një shofer për pjesën tjetër të jetës së saj.
Ajo gjithashtu ka të drejtë për një zyrë në mjediset e Bundestagut në Berlin, duke përfshirë menaxhimin e zyrës, dy këshilltarë dhe një sekretare.
Burimi origjinal: Deutsche Welle
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.