Me çfarë vaksinash po e nis fushatën Shqipëria? Kryeministri: Nga Pfizer vijnë javën e tretë të janarit. Kemi 4 kanale

Shqipëria ka nisur zyrtarisht fushatën e vaksinimeve. Në daljen për mediat,. Kryeministri Edi Rama dhe ministrja e Shëndetësisë Ogerta Manastirliu tha se vaksinat me të cilat po nis procesi janë të Pfizer por jo nga marrëveshja e nënshkruar.

Kryeministri tha se dozat që do të aplikohen janë siguruar nga një shtet anëtarë i BE-së por që refuzoi të bëjë publik emrin e vendit me argumentin se nuk ka autorizim për këtë. Megjithatë kryeministri specifikoi se ky vend nuk është Greqia.

Ndërkohë, vaksinat nga kompania Pfizer pritet të vijnë javën e tretë të janarit. Kryeministri tha se Shqipëria ka ndjekur disa rrugë dhe janë 4 kanale komunikimi që ka përdorur Shqipëria dhe një prej tyre ka rezultuar efektiv.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.