“Më mirë vonë se kurrë” / Suedia prezanton kufizime anti-Covid, ndryshon qasjen që ndoqi gjatë pranverës
Suedia është bashkuar me shumë fqinjë evropianë dhe ka futur kufizime të reja COVID-19 ndërsa rastet janë rritur në kontinent.
Masat e reja hynë në fuqi të martën në kombin skandinav, i cili ndryshe nga vendet e tjera vendosi të mos vendosë një bllokim kombëtar në pranverë.
Vendi me 10 milion banorë tani ka 134,532 raste të raportuara dhe gati 6,000 vdekje prej pandemisë.
Masat e reja që filluan të martën përfshijnë kufizime në kapacitetin e restoranteve dhe kafeneve me një maksimum prej tetë personash në çdo tryezë.
Vendi njoftoi gjithashtu kufizime lokale në tre qarqe të tjera që përfshijnë qytetet më të mëdha të Suedisë.
“Ne po shkojmë në drejtim të gabuar. Situata është shumë serioze,” tha Kryeministri Suedez Stefan Lofven. “Tani, çdo qytetar duhet të marrë përgjegjësi. Ne e dimë se sa e rrezikshme është kjo situatë.”
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.