Më pak preferencë për ekonominë – Numri i nxënësve që e zgjedhin në provimet e maturës, në rënie

Maturantët po shfaqin  gjithmonë e më pak interes për të përzgjedhur lëndën e ekonomisë  si lëndë më zgjedhje në provimin e maturës, këtë gjë e tregojnë shifrat e publikuara   nga Qendra  e Shërbimeve Arsimore ku në nivel kombëtar vihet re numri në  rënie i gjimnazistëve  të cilët zgjedhin degët  e  ekonomisë, e ndarë në atë bërthamë dhe të thelluar si në  institucionet shtetërore po ashtu edhe në ato private.

Referuar të dhënave të publikuara në faqen zyrtare të QSHA  në vitin  2015  numri total i maturantëve që kanë përzgjedhur degën e ekonomisë është 3871, nga të cilët  2384  në ekonominë bërthamë dhe 1487 në atë  të thelluar,  ndërsa 3034  maturantë  e kanë përzgjedhur këtë degë në institucionet  shtetërore  dhe pjesa tjetër në privat, kjo shifër  është në rënie  me rreth 1100 maturantë  në vitin 2016 ku rezulton të kenë zgjedhur këtë degë në total 2777 maturantë nga të cilët 2213 në  gjimnazet shtetërore.

Ndërsa në vitin 2017 degën e ekonomisë e zgjodhën 2924 maturantë, 2229 ekonominë  bërthamë  dhe 695 të thelluar  ndërsa  sërish   gjimnazet shtetërore  rezultojnë me shifrën më të lartë të  maturantëve që përzgjedhin këtë degë në provimet e maturës  me 2456 maturantë ne shtet dhe 468 në privat.

Nertila Dodo/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.