Me prezencën e OKB-së dhe Bankës Botërore, ambasadori i BE-së zhvillon takim me ministrin Çuçi

Ambasadori i Bashkimit Evropian Luigi Soreca ka zhvilluar në ditën e sotme një takim me ministrin Çuçi, ku të pranishëm në tryezë ishin edhe përfaqësues të Kombeve të Bashkuara dhe Bankës Botërore.

Ministri Çuçi është i caktuar nga Këshilli i Ministrave si personi përgjegjës për koordinimin e operacioneve pas tërmetit shkatërrues të 26 nëntorit, për këtë arsye roli i tij është shumë i rëndësishëm.

Nëpërmjet rrjeteve sociale Soreca u shpreh se arsyeja e takimit ishte përgatitja e vlerësimit të nevojave pas fatkeqësisë së tërmetit të 26 nëntorit.

Do të jetë kusht thelbësor planifikimi si duhet i përpjekjeve për rindërtim, ku përfshihet edhe konferenca e donatorëve.

“Sot takova Ministrin Bledi Çuçi, së bashku me United Natios Albania dhe Ëorld Bank, për të nisur sa më shpejt përgatitjet e vlerësimit të nevojave pas fatkeqësisë. Ky është një kusht thelbësor për të planifikuar si duhet përpjekjet e rindërtimit, përfshirë konferencën e donatorëve”, ka shkruar Soreca.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.