Me rreth 30 milion dollarë të fshehura në valixhe – Gruaja e ish-deputetit të Ukrainës kapet nga autoritetet hungareze
Gruaja e ish-deputetit ukrainas Kotvytskyy u kap nga autoritetet në Hungarinë fqinje me 28 milionë dollarë dhe 1.3 milionë euro para cash të fshehura në valixhe ndërsa po përpiqej të largohej nga vendi i shkatërruar nga lufta, raportoi media bjelloruse NEXTA, duke cituar burime të paidentifikuara ukrainase.
NEXTA ndau një fotografi të gjashtë valixheve të mbushura plot me para. Autoritetet hungareze siguruan që shuma të deklarohej në përputhje me ligjin.
Shuma gjigante e përfshirë ka ‘ngritur vetullat’, me shumë njerëz në Twitter që pyesin nëse gruaja e ish-deputetit kishte menduar të dhuronte disa për popullin ukrainas për të blerë gjërat e nevojshme themelore si ushqimi, uji, ilaçet dhe pelenat për fëmijët.
Ukraina hodhi poshtë të hënën një kërkesë ruse që forcat e saj të dorëzonin armët dhe të largoheshin nga Mariupol. Lufta për mbijetesë në qytetin e goditur nga lufta ka lënë qindra mijëra njerëz që kërkojnë strehim ndërsa forcat ruse nisin valë pas valë sulmesh artilerie dhe raketash.
Mbi 400,000 njerëz besohet të jenë të bllokuar në Mariupol, duke kërkuar strehim nga bombardimet e forta që kanë ndërprerë aksesin në energji elektrike, ngrohje dhe ujë, thanë autoritetet lokale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.