Më shumë biznesmenë “turistë” – Rriten me 24.8% vizitat për qëllime biznesi në Shqipëri

Të dhënat më të fundit të Institutit të Statistikave në vend, veçse flasin për një rritje të ndjeshme të vizitorëve të huaj që kanë hyrë në vend gjatë gjashtëmujorit të vitit, tregojnë edhe një rritje të konsiderueshme të atyre që e kanë vizituar Shqipërinë për qëllime biznesi, apo profesionale.

Vetëm gjatë Qershorit të këtij viti numërohen rreth 8000 vizitorë të tillë, nga rreth 7100 gjatë Qershorit të vitit të kaluar, çka përkthehet në 13% rritje vjetore.

Përgjatë të gjithë gjashtëmujorit, këto vizita numërohen në 40 mijë, nga 32 mijë një vit më parë, në rritje me 24.8%.

Bëhet fjalë vetëm për shtetasit e huaj. Një rritje të ndjeshme shënon edhe kategoria e atyre që e kanë vizituar Shqipërinë për qëllime pushimesh, në masën 27%.

Nga krahu tjetër, numri i atyre që kanë ardhur në vend për qëllime shëndetësore thuajse është përgjysmuar gjatë gjysmës së parë të vitit, në krahasim me vitin e kaluar.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.