Më shumë blerje online – Priten në $2.5 trilion për tregjet në zhvillim deri në 2025

Përqindja e njerëzve që blejnë online në tregjet në zhvillim është thuajse dyfishuar ndërmjet viteve 2011-2016, tregon një raport i Credit Suisse, i bazuar në anketimet e 14,000 individëve.

Duke parë normat aktuale të rritjes, raporti projekton që tregtia elektronike në 8 vende në zhvillim të rritet nga 1 trilionë dollarë që ishte në 2016, në $2.5 trilionë në vitin 2025.

Këto shifra varen në zgjerimin tejet të shpejtë të aksesit në internet në të gjithë botën.  Në Brazil, 91% e të intervistuarve kishin akses, krahasuar me 84% në vitin e kaluar dhe vetëm 56% në 2010-ën. Kina, Rusia dhe Turqia raportuan gjithashtu se mbi 80% e popullsisë kishin akses në internet. Blerjet janë bërë ndër aktivitetet më popullore online, duke mposhtur bankingun dhe planifikimin e udhëtimeve, në 5 vitet e shkuara.

Të vetmet aktivitete më popullore janë mesazhet online dhe mediat sociale, tregon raporti.  Kjo tendencë sjell mundësi dhe sfida te shitësit globalë me pakicë, shumica e të cilëve po hasin vështirësi për u përshtatur me tregtinë dixhitale. Kina përbën aktualisht tregun më të madh për tregti online, me 60% të konsumatorëve të vendit.

Megjithatë, raporti i Credit Suisse tregon se India dhe Turqia kanë patur normën më të shpejtë të rritjes në vitet e fundit. Një pjesë e madhe e blerjeve në tregjet në zhvillim, bëhet nëpërmjet smartphonave. 50% e të gjithë konsumatorëve përdorin smartphonat për të aksesuar në internet, tregon Credit Suisse, duke sugjeruar se shitësit me pakicë që kërkojnë të penetrojnë në këto tregje duhet të investojnë në lehtësimin e navigimit online.

Një tjetër çështje për tregtinë në rrjet në disa tregje përbën mungesa e aksesit në kartat e kreditit apo format e tjera të pagesave elektronike.  Në Kinë, Indi, Meksikë,  Afrikën e Jugut dhe Rusi, 90% e transaksioneve zhvillohen në cash, krahasuar e 47% në Britani dhe 55% në SHBA.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.