Më shumë financim për bizneset -Denaj: Ekzistojne me shume mundesi kreditimi me skemen e garancive
Bizneset e vogla dhe të mesme kërkojnë më shumë aksesh në kreditim me qëllim që të mund të tejkalojnë situatën e vështirë në të cilën ndodhen për shkak të pandemisë COVID-19 dhe të kenë më shumë likuiditet. Ministrja e Financave, Anila Denaj, ka kërkuar që të përdoren për këtë qëllim garancitë bankare si dhe të rishikohen skemat tradicionale të financimit.
Me të njëjtën vështirësi po përballen edhe agrobizneset, të cilat e kanë shumë të vështirë të thithin fondet e vëna në dispozicion nga programi IPARD, për shkak se më parë duhet të kryejnë financime, që kapin vlera të konsiderueshme monetare.
Forumi “Politikat e Aksesit në Financë, mbështetje për produktet shqiptare”, ka bërë bashkë politikbërësit, donatorët, bankat dhe bizneset me qëllim diskutimin e mënyrave se si mund të financohen më shumë bizneset gjatë kësaj periudhe.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.