Më shumë turistë në Shqipëri, INSTAT: Në vitin 2019 numri i shtretërve u rrit me 12%
Bizneset në sektorin e turizmit kanë vijuar të investojnë në rritjen e kapaciteteve dhe numrit të shtretërve për të pritur fluksin e turistëve, i cili çdo vit ka ardhur duke u rritur në vendin tonë. Sipas publikimit më të fundit të Institutit të Statistikave, gjatë vitit 2019, numri i shtretërve është rritur me afro 12% krahasuar me vitin 2018.
Ndërsa në rritje janë edhe treguesit e shfrytëzimit të kapacitetit të hoteleve dhe strukturave të ngjashme me to. Sipas INSTAT numri i vizitorëve është rritur me 0,9%, po ashtu rritje ka pasur edhe në numrin e netë-qëndrimeve me 5,8%, teksa norma e shfrytëzimit të dhomave të “Hoteleve dhe akomodimeve të ngjashme” është 26,5 % në vitin 2019, kundrejt 17,5 % që ishte një vit më parë. Në vitin 2019 është shënuar edhe numri më i lartë i netë-qëndrimeve, në zonat bregdetare rritja shkon deri në 58,8% kryesisht në Hotele dhe akomodime të ngjashme.
Nertila Doko/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.