Më të frikësuar Italia e Greqia/ Studimi: 1 në 3 qytetarë i trembet luftës mes vendeve anëtare të Bashkimit Europian!

Bashkimi Europian gjendet në një moment delikat. Të paktën kjo rezulton nga një sondazh i kryer nga Këshilli Europian për Marrëdhënien me Jashtë (ECFR). Studimi zbulon ankth dhe shqetësim në kontinent.

Mes gjërave të tjera, një e treta e personave të intervistuar i frikësohet shpërthimit të një konflikti mes vendeve anëtare të Bashkimit Europian që konsiderohet si diçka “e mundshme”.

Studimi i bazuar në 60 mijë intervista, i ndan 14 shtetet anëtare të marra në studim, në 3 grupe të mëdha. Vendet në të cilat stresi është dominues janë Italia, Greqia dhe Hungaria. Të prekur nga frika janë edhe Franca, Sllovakia e Republika Çeke.

Te  të tjerat (për momentin) ka optimizëm: jo vetëm në Gjermani apo në Holandë por edhe në Spanjë. Thënë kjo, një pjesë e rëndësishme e europianëve pranon se Bashkimi Europian mund të shpërbëhet në 10-20 vitet e ardhshme.

Frika kryesore në rastin e shpërbërjes së  Bashkimit Europian është humbja e forcës që mund të balanconte në nivel ndërkombëtar presionet amerikane ose kineze.

Marrë me shkurtime nga “Ilsole24ore”/Përshtati në shqip:SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.