Megaprojekti i BE-së- 17 kompanitë më të mëdha bashkohen për prodhimin e baterive të gjeneratës së re!
Për të promovuar lëvizshmërinë e qendrueshme në të ardhmen, Bashkimi Europian ka nisur një projekt industrial për prodhimin e baterive të gjeneratës së re, të financuar me fonde publike. Veç Francës dhe Gjermanisë, që udhëheqin programin, vendet e tjera të eurogrupit të përfshira janë edhe Italia, Belgjika, Suedia, Polonia dhe Finlanda që do të vendosin në “pjatë” ndihma shtetërore rreth 3.2 miliardë euro investime.
Ky projekt i rëndësishëm me interes të përbashkët europian është miratuar me 9 dhjetor nga Brukseli dhe do të shohë pjesëmarrjen në vitet e ardhshme të 17 kompanive me seli në BE.
Sa i përket Italisë, do të jenë 5 shoqëri dhe kompani të interesuara : Enel X, Endurance,Faam,Solvay dhe Kaitek që nga viti 2031 do të bashkëpunojnë me kompanitë e tjera të përfshira në nivel europian dhe me 70 partnerë të huaj për kërkimin dhe zhvillimin mbi akumulatorët inovativë.
Nga fondet publike të vendosura në këtë projekt, 570 milionë euro vijnë nga Italia dhe në total parashikohet të krijohet një fond 5 miliardë euro nga ana e investitorëve privatë në kontinentin e vjetër (Europa).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.