Mehmetaj e LSI: 100 mijë vende pune për të rinjtë, 10 pika se si do të realizohen

Kandidatja për deputete e LSI-së në qarkun e Tiranës Kejdi Mehmetaj, gjatë një bashkëbisedimi me qytetarët në faqen zyrtare të LSI në “Facebook” ka përsëritur angazhimn program për hapjen e 100 mijë vendeve të reja të punës për të rinjtë. “Në fakt, 100 mijë vende pune vetëm për të rinjtë është një premtim që ne jemi të sigurt se do ta bëjmë realitet në 4-vjeçarin e ardhshëm duke realizuar kështu përgjysmimin e papunësisë ndërmjet moshave të reja, që besoj se edhe ju e dini që është shqetësuese në këto momente sepse është rreth 33%” u shpreh Mehmetaj.

Por si do të realizohen 100 mijë vende pune për të rinjtë? Mehmetaj ka shpjeguar se programi përmban 10 pika të detajuara se si do të arrihet kjo.

“Po të shikoni programin më të detajuar, 10 pikat se si ne do ta realizojmë hapjen e këtyre 100 mijë vendeve të punë do të shihni se aty bëhet fjalë për stimulimin e bizneseve, e sipërmarrjeve rinore, për stimulimin e bizneseve që punësojnë të rinjtë nëpërmjet granteve, nëpërmjet lehtësira për të mos paguar ose rimbursuar një pjesë të sigurimeve shëndetësore apo qoftë edhe pagave të tyre minimale.

Po prapë brenda këtyre 10 pikave ka disa pika që flasin për arsimin që të lidh me punësimin, për praktikat e punës, pra janë një sërë nismash të cilat së bashku do të mundësojnë hapjen e 1010 mijë vendeve pune.  Unë e them 100 mijë por jam e sigurt që do të jenë më shumë se kaq duke qenë se ne kemi një program konkret që mendon se si të rivitalizojë ekonominë shqiptare, për ta kthyer atë nga një ekonomi e cila është konsumatore në një ekonomi e cila zhvillon, prodhon dhe e nxjerr produktin e saj përtej Shqipërisë, kështu që ju ftoj të votoni për LSI-në sepse duke votuar për LSI-në voton për t’i dhënë vetes një shans për të pasur një vend pune të mirëpaguar e dinjitoz. Për të pasur edukim cilësor dhe për të pasur më shumë hapësirë për të qenë i suksesshëm në jetë” tha Mehmetaj.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.