Meksika, Amerika dhe Kanadaja nënshkruajnë marrëveshjen e re tregtare!
Donald Trump dhe liderët e Kanadasë dhe Meksikos nënshkruan një version të ri të marrëveshjes tregtare midis shteteve të Amerikës Veriore. Kjo marrëveshje e re iu përgjigjet kritikave të presidentit amerikan, por përballet me një të ardhme të pasigurt në Kongres.
Marrëveshja SHBA- Meksiko- Kanada (USMCA) synon të zëvendësojë marrëveshjen e mëparshme NAFTA, të cilën presidenti Trump e ka konsideruar “një katastrofë”. USMCA parashikon që 40% e makinave të prodhohen në vende ku punonjësit paguhen minimalisht 40 dollarë në orë, pra në Amerikë, Kanada, por jo Meksiko. Këto vende do të përfitojnë reduktim të taksave, si pjesë e marrëveshjes. Gjithashtu, kërkohet nga shteti i Meksikos që të nxisë më tej reformat në kodin e punës si dhe inkurajimin e sindikatave të pavarura.
Edhe pse konsiderohet si një moment i rëndësishëm për ekonominë e Amerikës Veriore, ajo që vazhdon të mbetet një shqetësim është debati mbi tarifat e hekurit dhe aluminit si dhe numri i lartë i shkurtimeve të vendeve të punës nga ana e kompanisë General Motors.
Sipas Trump, kjo marrëveshje konsiderohet si tërësisht e re, por ekspertët shprehen se në fakt nuk ka asgjë ndryshe nga ajo e mëparshme, NAFTA. Pritet që organet legjislative përkatëse të votojnë USMCA në mënyrë që të nisë zbatimi i saj.
Përshtati për SCAN: Ergisa Bejkollari
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.