Menaxhimi i parave – Aftësitë e para që duhet ti ketë çdokush
Jeta e të gjithëve është e ndryshme dhe ne të gjithë mësojmë aftësitë e jetës në një mënyrë tjetër, në një moshë dhe në një vend tjetër në jetë krahasuar me të tjerët. Por pavarësisht se ku jeni apo ku jetoni, këto janë aftësitë e para që duhet të ketë çdokush në momentin që të bien para në dorë.
Negocimi i blerjeve: Kur keni kryer blerjen tuaj të parë me buxhetin tuaj personale? Për shembull nëse keni shkuar të blini një makinë, ju duhet të keni informacion dhe ide sesa duhet të shpenzoni për një lloj makine të caktuar. Kjo do të thotë që ju duhet të dini se sa vlerë ka në treg ajo makinë. Negocimi është një betejë dhe ju duhet të paraqiteni të përgatitur para shitësit duke pasur “armët” tuaja. Bëni një kundër-ofertë që është e arsyeshme dhe mos kini frikë të thoni jo dhe të ikni. Këmbëngulni në kërkesën tuaj dhe do të përfundoni me një marrëveshje të mirë.
Buxhetimi i pagës suaj: Nëse nga puna juaj e parë pas universitetit ju nuk keni kursyer asnjë qindarkë, por i keni shpenzuar për ‘çmenduritë’ tuaja, tani është koha të tregoheni më serioz. Duhet të mendoni seriozisht për zakonet tuaja të shpenzimeve dhe të kurseni për pension.
Përdorimi i kartelave tuaja të kreditit: Kartat e kreditit janë një mjet i vlefshëm kur përdoren si duhet. Kur përdoren në mënyrë të papërgjegjshme, ata mund t’ju “bëjnë me zemër”. Kur të merrni atë kartë krediti të parë, përdorni atë periodikisht për të ndërtuar kredi. Mos teproni me shpenzimet! Nëse dëshironi të përdorni kartën tuaj të kreditit më shpesh, sigurohuni që ta paguani atë çdo muaj. Mos e humbisni pagesën dhe mbani një ekuilibër. Nëse i përmbahesh këtyre rregullave, do të jesh në gjendje të mirë.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.