MEPSO i Maqedonisë hap tenderat për punimet në linjën 400 kV që e lidh me Shqipërinë
Banka Europiane për Rindërtim dhe Zhvillim tha në një komunikim për shtyp se Operatori i Sistemit të Transmetimit në Maqedoni, MEPSO do të hapë një tender për punime të ndryshme në linjën 400 kV me Shqipërinë.
Projekti sipas BERZH ka një vlerë prej afro 49 milionë euro dhe tenderimi pritet të nisë në 1 Mars.
Ndër punët dhe shërbimet që pritet të kryhen, është ndërtimi i një cirkuiti 400 kV për linjën e transmetimit nga nënstacioni Bitola 2 në nënstacionin e Ohrit dhe më pas drejt kufirit me Shqipërinë.
MEPSO gjithashtu do të tenderojë ndërtimin e një nënstacioni 400/110 kV në Ohër, zgjatimin e nënstacionit B2, si dhe ndarjen e ndërtimin e disa linjave 110 kV.
Projekti financohet përmes një kredie nga BERZH, një granti nga Struktura e Investimeve në Ballkanin Perëndimor dhe nga qeveria e Luxemburgut.
Aplikimi është i hapur për kompanitë nga të gjitha vendet, shprehet banka.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.