Merkel, fjalim për Vitin e Ri – Premton trajtimin e ndarjeve sociale dhe formimin e shpejtë të Qeverisë
Kancelarja konservatore Angela Merkel premtoi trajtimin e ndarjeve të mëdha sociale, ndërkohë që po përpiqet të formojë qeverinë, pas dështimit të negociatave për formimin e koalicionit. Merkel dha prioritetet kryesore në fjalimin e saj për Vitin e Ri, përfshirë rritjen e investimeve në siguri dhe mbrojtje, përmirësimin e kujdesin shëndetësor, edukim dhe trajtimin e pabarazive mes zonave urbane dhe atyre rurale.
“Duhet të krijojmë kushtet që Gjermania të vazhdojë drejt prosperitetit në 10-15 vitet e ardhshme. Gjermania do ta arrijë këtë vetëm nëse suksesi i shërben të gjithë njerëzve”, tha liderja konservatore. Merkel, në kërkim të mandatit të saj të katërt, po përpiqet të bindë Social Demokratët për të formuar përsëri “koalicionin e madh”, që ka drejtuar vendin në 4 vitet e fundit.
Popullariteti i Merkel ka rënë që kur dështuan bisedimet për të formuar koalicion me demokratët e lirë dhe partinë e gjelbër në Nëntor.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.