Merkel viziton për herë të parë kampin e Auschwitz dhe pranon “turpin e madh” të Gjermanisë
Angela Merkel viziton për herë të parë Memorialin Auschëitz-Birkenau të Premten pas 14 vjetësh si Kancelare Gjermane.
Merkel, e shoqëruar nga Kryeministri polak Mateusz Moraëiecki gjatë vizitës, do të sjellë gjithashtu një dhurim prej 60 milion eurosh për të ndihmuar në ruajtjen e vendit ku nazistët drejtuan kampin e tyre më të madh të vdekjeve.
Kancelarja tha se dhurimi, gjysma e të cilit vjen nga qeveria federale e Gjermanisë dhe një gjysmë nga qeveritë rajonale, do të siguronin që memoriali të ruhet.
“Jam shumë e lumtur që ne mund të pajtohemi që Memoriali i Aushvicit-Birkenau do të marrë para shtesë,” tha ajo pas takimit me kryeministrat e shtetit gjerman.
Ajo do të jetë kancelarja e tretë gjermane që viziton Aushvicin. Udhëtimi bëhet përpara 75 vjetorit të çlirimit të kampit nga Sovjetikët në 27 Janar 1945 dhe 10 vjetorin që nga hapja e Fondacionit Aushvic – Birkenau.
Merkel ka pranuar përgjegjësinë e Gjermanisë për mizoritë e saj në Luftën e Dytë Botërore.
“Aushvic është një muze, por është gjithashtu varreza më e madhe në botë … (kujtesa) është çelësi për ndërtimin e së tashmes dhe të ardhmes,” tha drejtori i muzeut Piotr Cyëinski për Reuters përpara vizitës së Merkel me ftesë të Fondacionit Aushvic.
Më shumë se 3 milion e 3.2 milion hebrenjve të Polonisë u vranë nga nazistët, duke përbërë rreth gjysmën e hebrenjve të vrarë në Holokaust.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.