Merkeli paralajmëron se nuk ka më vend për lehtësim të mëtejshëm të karantinës – “Rritja e rasteve duhet adresuar”
Kancelarja Angela Merkel përjashtoi mundësinë e heqjes së mëtejshme të masave kundër virusit, duke thënë se një dyfishim i numrit të rasteve të përditshme në Gjermani në tre javët e fundit duhet të adresohet.
Ekonomia më e madhe e Evropës shënoi rritjen më të madhe të rasteve në gati katër muaj të martën, duke nxitur frikën për ringjalljen e infeksioneve në të gjithë kontinentin.
Trendi i fundit “nuk duhet të vazhdojë dhe ne duhet ta përmbajmë atë,” tha Merkel në Dusseldorf, duke shtuar se gjobat do të duhet të vendosen për njerëzit që shkelin rregullat e higjienës dhe distancës sociale. “Ne jemi në mes të pandemisë,” tha ajo
Kishte 1.693 raste të reja në Gjermani në 24 orët, numri më i madh që nga 25 prilli, sipas të dhënave nga Universiteti Johns Hopkins. Numri i rasteve ditore arriti në gati 7,000 në kulmin e pandemisë në pranverë.
Ka pasur një sërë shpërthimesh javët e fundit në ambiente të tilla si evente të mëdha familjare dhe aktivitete të kohës së lirë, si dhe në ambiente arsimore dhe profesionale, sipas Institutit Robert Koch të Gjermanisë.
D.B – SCAN
Burimi: Bloomberg
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.