Merr fund çështja e emrit – Greqia dhe Maqedonia nënshkruajnë marrëveshjen në Prespë
Greqia dhe Maqedonia kanë nënshkruar sot marrëveshjet për emrin në Prespë. Marrëveshja është firmosur nga Ministrat e Punëve të Jashtme të dy vendeve krerët e diplomacisë së dy vendeve, Nikolla Dimitrov dhe Nikos Koxias.
Të pranishëm në ceremoninë e nënshkrimit ishin edhe kryeministri grek, Aleksis Tsipras dhe ai maqedonas, Zoran Zaev, si dhe ndërmjetësuesi i OKB-së për çështjen e emrit, Methju Nimic, përfaqësuesja e lartë e BE-së, Frederika Mogherini, Eurokomisioneri për Zgjerim, Johanes Hahn.
Krerët e vendeve falënderuan ndërmjetësuesin e OKB-së dhe Bashkimin Europian për mbështetjen e dhënë për të arritur këtë marrëveshje historike.
Po ashtu, shprehën bindjen se me zgjidhjen e çështjes së emrit, do të nisë një epokë e re dhe më e sigurt për të dy vendet.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.