Merret vendimi/ Shqipëria do të hapë shkollat në shtator.Skenaret, si do të zhvillohet mësimi në kushtet e sigurisë
Këtë shtator Shqipëria do të hapë shkollat. Vendimi është bërë i ditur nga ministria e Arsimit që tha se ka një plan konkret për hapjen e shkollave, sipas protokolleve të sigurisë. Plani parashikon zhvillimin e mësimit në kushtet e distancimit social, në kushtet e protokolleve të sigurisë si dhe vlerësimin dinamik të situatës. Kjo e fundit nënkupton se nëse do të ketë shpërthime të epidemisë në ndonjë shkollë, ajo do të mbyllte. Po ashtu, kur ka mbingarkesë në shkolla do të ketë kombinim të turneve dhe mësim on-line.
“Ne kemi eksperiencën e deritanishme me hapjen e çerdheve dhe kopështeve ku sipas raportimeve të ISHP-së është vënë re se pavarësisht rasteve sporadike të qarkullimit të infeksionit nuk kemi pasur shpërthime” tha ministrja e Shëndetësisë Ogerta Manastirliu.
Ndërkohë, ministrja e Arsimit Besa Shahini tha se skenarët janë të ndryshëm dhe se shkollat do të hapen me kujdes.
SCAN
🟢 SHKOLLAT DO TË HAPEN👉 Ministrja e Arsimit Besa Shahini dhe Ministrja e Shëndetësisë Ogerta Manastirliu, në një komunikim për situatën, arsyetimin tonë dhe masat paraprake që po merren për hapjen shkollave, në kushtet kur të gjitha vendet e botës po diskutojnë këtë çështje delikate dhe kanë zgjedhur rrugë të ndryshme për hapjen e shkollave apo jo pak vende nuk kanë vendosur ende, nëse do t'i hapin. 🔴 Çdo hap drejt hapjes së shkollave dhe mbrojtjen e shëndetit nga ky vendim i vështirë, po koordinohet me përgjegjësi maksimale nga institucionet, për garantimin e masave të distancimit social dhe protokolleve të sigurisë, si edhe vlerësimin dinamik të situatës epidemiologjike në vend.
Posted by Edi Rama on Tuesday, August 18, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.