Mësimi online, universitetet paguan ngrohjen – Monitorimi: Shpenzime marramendëse për rojet, vetëm 0.4% për kërkimin shkencor 

Pavarësisht se godinat kanë qëndruar bosh gjatë 1 viti të plotë akademik, për shkak të mbylljes si pasojë e COVID-19, 6 universitetet publike në vend kanë shpenzuar për ngrohjen e tyre shuma të konsiderueshme”.

Ky është një prej konstatimeve të raportit të monitorimit financiar të universiteteve publike, realizuar nga Qëndresa Qytetare, gjatë 1 viti ku mësimi u zhvillua tërësisht online.

Shpenzime të larta janë kryer edhe për blerje e karburantit, materiale kancelarie apo për rujatjen e godinave me roje private.

Sipas raportit, vetëm dy nga 6 universitete kanë shpenzuar për shkencën. Sipas të dhenave Nga 4.6 milion Euro të përdorura për zërin “Investime” në një vit kalendarik, vetëm 0.4% kanë shkuar për kërkim shkencor.

Paralelisht , raporti vëren se portali u-transparenca.al nuk përmban të dhëna mbi prokurimet dhe kontratat e institucioneve të arsimit të lartë me të tretët për vitin 2020 – 2021, çka u vështirëson studentëve të kuptojnë shpenzimet totale të universitetit, detajet nën zëra dhe  raportin e shpenzimeve për mënyrën se si harxhohen paratë e tyre.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.