Mësymja në Kongresin Amerikan/ 4 viktima, 13 plagosje, 52 arreste. Një ngjarje e ngjashme ka ndodhur vetëm në 1814
Është përkeqësuar bilanci i viktimave nga përplasjet e ndodhura mbrëmjen e djeshme pas mësymjes në Kongresin amerikan nga ana e mbështetësve të presidentit Donald Trump. Veç një gruaje të vrarë me armë zjarri nga një agjent, edhe 3 persona të tjerë kanë humbur jetën për shkak të emergjencave dhe komplikimeve shëndetësore.
CNN dhe ANSA raportojnë se shefi i policisë së Uashingtonit ka nënvizuar se është hapur një hetim për këtë çështje. Personat e plagosur janë 13 dhe 52 janë arrestuar. Zëvëndëskëshilltari i Sigurisë Kombëtare Matt Pottinger ka dhënë dorëheqjen pas mësymjes së protestuesve në Kongres.
Ndërkohë,kryebashiaku i Uashingtonit ka zgjatur më tej emergjencën publike edhe për 15 ditë të tjera, deri me 21 janar, ditën kur është parashikuar që Joe Biden të bëjë betimin; ditë në të cilën druhet se do të ketë tensione të forta. Gara mes Trump dhe Biden është e ngushtë e si rrjedhojë ka tensione të shumta.
Tempulli i demokracisë botërore ka qenë shpesh qendër e manifestimeve dhe protestave por mësymja e djeshme ka vetëm një precedent, dy shekuj më parë, e në një klimë lufte shumë më të forta sesa kjo e sotmja. Me 24 gusht 1814, trupat britanike marshuan në Capitol në Uashington dhe i vunë flakën pallatit të parlamentit , rezidencës presidenciale dhe monumenteve të tjera.
Zjarri shkatërroi sallën e senatit, më të vjetrën e të gjithë godinës. Punimet parlamentare vijuan gjithsesi pa ndërprerje sepse presidenti Xhejms Madison i transferoi punimet e Kongresit në një hotel aty pranë.
Aksioni britanik erdhi si raprezalje pasi amerikanët i kishin vënë flakën qytetit York (sot Toronto).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.