Meta: Duhen zgjedhje të lira: “Një proces demokratik pastron politikën nga të korruptuarit”
Duke folur në 100 vjetorin e luftës së Vlorës, presidenti Ilir Meta tha se vetëm zgjedhjet e lira e të ndershme pastrojnë politikën nga personat e korruptuar që mbajnë peng shtetit. Duke qenë në sintoni me qëndrimin e SHBA ku apelon partitë politike mos të kandidojnë persona me precedentë.
“Nëse ka vullnet për zgjedhje të lira dhe demokratike nuk shikoj asnjë arsye pse të mos zgjidhen.Nuk shikoj asnjë arsye pse të mos zgjidhen.
Nëse ka vullnet për të respektuar marrëveshjen e 5 qershorit nuk shikoj asnjë problem. Nuk mund të jap opsion për datën e zgjedhjeve sepse do dëgjoj forcat politike dhe pastaj do flas. Kam kërkuar takim me përfaqësues të të gjithë forcave parlamentare dhe të gjithë janë mirëpritur. Ka ardhur koha që përmes zgjedhjeve të lira dhe të ndershme të pastrohet gjithçka. Vetëm zgjedhjet e lira dhe të ndershme e pastrojnë politikën nga individë që mbajnë peng funksioninim e shtetit ligjor në mënyrë europiane” – u shpreh presidenti.
Në lidhje me çështjen e detit, kreu i shtetit tha se qëndrimi i tij ka qënë institucional, por këtë duhet ta bëjnë edhe institucionet e tjera, për një çështje kaq të rëndësishme për publikun.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.