Meta takon zv.kryeministrin e Kosovës: Rruga e Kombit, çdo vendim duhet të jetë i konsultuar

Rritja e bashkëpunimit Shqipëri-Kosovë ka qenë edhe fokusi i takimit të Presidenti Ilir Meta dhe zëvendëskryeministrit të Kosovës, Fatmir Limaj gjatë vizitës së këtij të fundit në Tiranë.

Presidenti Meta është shprehur se së bashku me Limajn ndanë të njëjtat bindje se Rruga e Kombit është investimi më madhor që kanë bërë të dy vendet.

“Ndamë të njëjtën bindje se Rruga e Kombit është investimi më madhor që kanë bërë dy vendet tona, e cila ka ndihmuar ndjeshëm rritjen e shkëmbimeve të gjithanshme midis dy vendeve dhe qytetarëve tanë.”

Duke e cilësuar mirëmbajtjen dhe rritjen e standardeve e sigurisë si shumë të rëndësishme, sipas tij, çdo vendim në këtë drejtim duhet të jetë i konsultuar për rritjen e zhvillimit dhe mirëqenies së qytetarëve të dy vendeve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.