Meta, vizitë në Kosovë – Mbështetje lëvizjes së lirë për individët dhe bizneset
Kufiri ndërshtetëror Shqipëri-Kosovë duhet të bëhet sa më i padukshëm për qytetarët dhe bizneset në të dy anët e tij. Kështu është shprehur Presidenti i Republikës, Ilir Meta, në konferencën e përbashkët për mediat, pas takimit me homologun kosovar, Hashim Thaçi. Meta u ndal dhe në proceset integruese, si projektet strategjike më madhore, duke shprehur mbështetjen e vazhdueshme të Shqipërisë për Kosovën.
Presidenti e konsideroi shumë të rëndësishëm çështjen e liberalizimit të vizave për qytetarët e Kosovës, si një proces padrejtësisht i vonuar, duke theksuar se zgjidhja e problemit të demarkacionit me Malin e Zi duhet të konsiderohet si një sfidë që i hap perspektivën evropiane qytetarëve të Kosovës.
Të dy Presidentët miratuan një Deklaratë të Përbashkët, ku rikonfirmuan vullnetin e ndërsjellë për rritjen dhe thellimin e bashkëpunimit. Më pas Presidenti i Kosovës, Hashim Thaçi i dhuroi Presidentit Ilir Meta, titullin e lartë të Kosovës “Urdhri i Pavarësisë”.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.