Mickey Mouse në ankand – 7 postera të rrallë dalin në shitje për më shumë se $165 mijë

Shtatë postera të rrallë të Mickey Mouse do të dalin në ankand dhe pritet të grumbullojnë qindra mijëra dollarë. Ankandi zhvillohet me rastin e 90 vjetorit të krijimit të personazhit më të famshëm të filmave të animuar.

Të shtatë posterat datojnë në periudhën 1930-1940 dhe janë mjaft të rrallë. Disney, krijuesja e personazhit ka zhvilluar një aktivitet të posaçëm në Londër për të ekspozuar këto 7 postera.

Më pas, në datën 26 nëntor, të 7 posterat do të dalin në një ankand në internet, ndërkohë që vetë Walt Disney si dhe shtëpia e ankandit shprehen se ato mund të shiten për një total prej 165 mijë dollarësh.

“Këto janë postera veçanërisht të rrallë, nga Anglia, Franca, Belgjika dhe dy prej tyre janë dy kopjet e vetme në qarkullim ndërkohë që për 5 prej tyre njihen vetëm 5 kopje në qarkullim”, shprehet një ekspert i posterave të filmave.

Më parë, këto lloj posterash përdoreshin disa herë në hyrjet e kinemave. Asokohe ato hedhin pasi asnjëherë nuk mendohej se 80-90 vite më vonë do të ripërdoreshin, e aq më pakë që të kapnin këto vlera të çmendura monetare në ankand.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.