Miliarderët më të pasur të botës që e kanë bazuar pasurinë e tyre në teknologji
Rreth një e treta e miliarderë më të pasur e kanë ngritur pasurinë e tyre në botën e teknologjisë. Më poshtë do të lexoni nëntë personat më të pasur që e kanë ngritur perandorinë e tyre në teknologji.
9. Ma Huateng
Inxhinieri i programeve Ma Huateng, themeloi portalin e internetit më të madh në Kinë, Tencent Holdings, në vitin 1998. Ai ishte vetëm 26 vjeç. Ai krijoi platforma të ndryshme si QQ, Instant Messaginf, WeChat, si dhe lojën e famshme online Tencent Games. Fitimi Neto: 22.5 Miliard Dollar
8.Steve Ballmer
Steve Ballmer e la shkollën e biznesit Stanford në vitin 1980 për t’iu bashkuar shokut të Harvardit Bill Gates në kompaninë Microsoft si menaxheri i parë i biznesit., me një pagë fillestare prej 50,000 dollar si dhe aksione në kompani. Ai u bë CEO i kompanisë në vitin 2000, kur Gates u tërhoq nga ky pozicion. Pasi dha dorëheqjen nga pozicioni i CEOs, Ballmer bleu ekipin e NBA, Los Angeles Clippers për 2 miliard dollar, gjë që e kishte ëndërruar që fëmijë. Fitimi Neto: 27 Miliard Dollar
7. Jack Ma
Personi më i pasur në Kinë, themeluesi i Alibaba, Jack Ma, e filloi kompaninë e tij të internetit në vitin 1998, me fletët e verdha të Kinës. Ai e humbi kontrollin e kompanisë kur telekomi shtetëror e përvetsoi si biznes. Tre vite më vonë ai filloi kompaninë Alibaba me vetëm 60,000$. 15 vite më vonë, kompania e tij theu rekordin me 25 miliard dollar në daljen e parë në bursë. Ma e ka rritur biznesin e tij me 8.4 miliard dollar vetëm vitin e fundit.
6. Sergey Bin
Bashkë me themeluesin e tij Larry Page, Sergey Brin ndihmoi në ngritjen masive të Google. Ai është presidenti i kompanisë dhe Page në pozicionin e CEOs. Brin emigroi nga Moska për në Shtetet e Bashkuara kur ishte fëmijë. Në Stanford ai u njoh me Page në vitin 1995, në marrjen e diplomës. Tre vite më vonë ata themeluan Google, sot një nga kompanitë më të fuqishme në botë. Vitin e fundit, Brin e rriti pasurinë e tij me 4.1 Miliard dollar. Fitimi Neto: 41.6 Miliard Dollar
5. Larry Page
Në universitet, Larry Page u njoh në klasë me Brin dhe u bashkuan për të formuar BackRub, një version I hershëm I motorit të kërkimit. Ky projekt më vonë u integrua në kompaninë Google, e cila quhet tashmë Alphabet, një nga motorat më të shpjetë të kërkimit në botë, e cila vlen afro 581 miliard dollar. Fitimi Neto: 35.7 Miliard Dollar
4.Larry Elison
Në vitin 1977, Larry Elison u bashkua me dy kolegët e tij nga një kompani elektronike për të filluar kompaninë e tyre të programimit, pasi morën një kontratë për të ndërtuar një databazë për CIA-n nën emrin e koduar, Oracle. Projekti u rrit në atë që njohim sot, Oracle Corp, e cila pati një fitim prej 37 miliard dollar vitin e fundit. Në vitin 2010, Ellison e uli pagën e tij vjetore nga 1 Milion dollar në 1 Dollar, por mori si kompesim rreth 60 milion dollar për shkak të suksesit në bursë. Vitin e fundit, Ellison e rriti pasurinë e tij me 5.2 Miliard dollar. Fitimi Neto: 45.3 Miliard Dollar
3. Mark Zuckerberg
Në vitin 2004, Mark Zuckerberg, një 19 vjeçar nga Harvard, startoi TheFacebook.com, një version fillestar i rrjetit tashmë të famshëm të Facebook. Zuckerberg e la universitetin për të punuar me kohë të plotë si CEO i kompanisë. Në dhjetor të vitit 2015, Mark dhe Prischila Zuckerberg dhuruan 99% të pasurisë së tyre organizatës Chan Zuckerberg, pavarësisht disa kritikave se organizata nuk ishte jofitimprurëse. Por kjo nuk ishte filantropia e parë. Ata dhuruan 25 milion në luftën kundër Ebolës në vitin 2015 si dhe 100 milion dollar aksione për përmirësimin e sistemit publik shkollor të New Jersey. Fitimi Neto: 58.5 Miliard Dollar
2. Jeff Bezos
Jeff Bezos e fitoi pasurinë e tij duke i prezantuar faqen e-commerce botës. Pasi kaloi disa kohë në Wall Street, Bezos themeloi Amazon.com në garazhin e shtëpisë së tij në Seattle në vitin 1994 dhe punoi ekskluzivisht si një dyqan online librash. Vetëm vitin e fundit, Bezos e rriti pasurinë e tij me 21.9 miliard dollar. Fitimi Neto: 73.1 Miliard Dollar
1. Bill Gates
Në moshën 20 vjeçare, Bill Gates bashkëthemeloi kompaninë Microsoft me shokun e tij Paul Allen. Përpara se të mbushte moshën 31 vjeç, kompania doli në bursë, duke e bërë Gates miliarder. Ai shërbeu si CEO deri në vitin 2000 si dhe kryetar i bordit dhe aksioneri më i madh deri në vitin 2014. Edhe pse vazhdon te jetë në bordin e kompanisë, Gates nuk është i involvuar në Microsoft.
Gates nuk është vetëm personi më i pasur në botë, por ai është dhe tepër bujar. Në vitin 1999, ai dhe gruaja e tij Melinda Gates themeluan fondacionin më të fuqishëm të bamirsisë në botë. Fondacioni i cili kontrollon më shumë se 40 miliard dollar donacione, ka për qëllim të nxjerrë miliona persona nga varfëria e tejskajshme, si dhe në kurimin e personave të sëmurë me HIV, Malarie, dhe infeksione të tjera.
Çifti po mendon të sjell në jetë një plan mbi “online banking” për gati 2 miliard adoleshentë të cilët nuk kanë një llogari bankare. Ai është dhe bashkëthemelues i kompanisë Giving Pledge, të cilën e startoi me mikun e tij Warren Buffet, si një premtim për të dhuruar 50% të pasurisë së tyre. Giving Pledge i janë bashkuar dhe Mark Zuckerberg, dhe Elon Musk në mesin e 156 anëtarve të saj. Fitimi Neto: 85.2 Miliard Dollar.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.