Minatorët, ultimatum qeverisë – Protesta të pandërprera para kryeministrisë: Miratoni statusin sa s’është vonë
Protesta të pandërprera deri në miratimin e statusit të minatorit”. Paralajmërimi është bërë gjatë një tubimi para kryeministrisë, ku dhjetëra minatorë nga i gjithë vendi kanë ripërsëritur kërkesat e tyre për miratimin e draftit të ligjit të dakordësuar me të gjitha palët.
Protestuesit iu referuan premtimit të fundit të bërë nga kryeministri Edi Rama, i cili në datën 31 tetor premtoi nga Kukësi miratimin e ligjit.
Minatorët përsëritën kërkesat e tyre në drejtim të pensioneve dhe përfitimeve të tjera sikurse janë ilaçet falas apo strehimi.
Gjatë protestës u bë publike edhe një listë emërore me 26 minatorë, të cilët janë të vendosur për protestat të pandërprera para kryeministrisë deri në kalimin e ligjit të qeveri dhe parlament. Këto protesta parashikohen të nisin në datën 26 nëntor.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.