Ministrat e Financave, thirrje KE: “Të konsiderojë mbulim më të fortë me kapital për kreditë e këqija”

Ministrat e Financave të Bashkimit Europian pritet të bëjnë thirrje për një ndryshim të rregullave bankare gjatë javës që vjen, gjë që mund të detyrojë huadhënësit që të mbajnë më shumë kapital për t’u mbrojtur nga kreditë më probleme.

Ky propozim është pjesë e një plani më të madh për të adresuar kreditë me probleme në bilancet e disa bankave të vendeve anëtare, që përbëjnë rrezik për të gjithë unionin prej efekteve të përhapjes (Spillover). Banco Popular dhe dy huadhënës në Itali u absorbuan nga banka të tjera në Qershor pasi kreditë e tyre me probleme u bënë të pa menaxhueshme, ndërsa këtë javë, Monte dei Paschi di Siena mori miratim për një paketë shpëtimi shtetërore prej 5.4 miliardë euro.

Ndërkohë që kreditë me probleme (NPL) ranë në 4.8 %në raport të totalit të kredive në BE për tremujorin e parë 2017, të dhënat e Autoritetit Bankar Europian tregojnë se niveli për Greqinë dhe Qipron qëndron sipër 40%-shit, ndjekur nga Portugalia me 18.5%.

Për të adresuar problemin, ministrat do të kërkojnë gjithashtu që kompanitë kombëtare të menaxhimit të aktiveve të lehtësojnë zhvillimin e një tregu sekondar funksional për kreditë e këqija.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.