Ministri Ahmetaj flet pas miratimit të ligjit të faljes: Përfitojnë 220 mijë qytetarë
“Nga ligji i faljes përfitojnë mbi 220 mijë qytetarë”.
Kështu është shprehur pas miratimit në parlament të ligjit të faljes së detyrimeve të papaguara, ministri i Financave, Arben Ahmetaj, ku ndër të tjera u shpreh se kjo shumicë ka interes për të përmirësuar klimën e biznesit.
“ Shumica është gjithnjë e interesuar për të përmirësuar klimën e biznesit dhe të thjeshtojë procedurat tatimore. Jemi pro zbatimit të ligjeve fiskale. Ligji që sapo kaloi në Parlament mori mbi 80 vota pro dhe është një rikonfirmim i fuqishëm i shumicës që sipërmarrjes t’i fshihen borxhet dhe detyrimet e papaguara. Janë gati 30 miliardë lekë që fshihen detyrime pa kushte për sipërmarrjen. Nga 1 janari 2011 deri në 31 dhjetor 2014 ka fshirje me kusht pagesën e pjesshme. 90 mijë individëve iu falen gjobat prej 10 mijë lekë. Nga ky ligj përfitojnë mbi 220 mijë qytetarë. Falja nuk ka implikime penale”
Sipas ministrit, totali i borxhit i mbledhur që nga viti 1995 është 191 mld lekë.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.