Ministri britanik, Hinds: Nuk ka plane për votim të dytë të Brexit
Ministri britanik i arsimit, Damian Hinds tha më herët ditën e sotme se qeveria britanike nuk po planifikonte një referendum të dytë.
Ai kështu mohoi njëherë e mirë njoftimet se ministrat po kërkonin një votim të tillë për të thyer bllokimin mbi Brexit. I pyetur nëse qeveria po përgatitej për një votim, Hinds tha për Sky News: “Jo, një referendum i dytë do të ishte përçarës. Ne kemi pasur votën e popullit, kemi pasur referendum dhe tani duhet të vazhdojmë me zbatimin e tij. “
Ai e përshkroi marrëveshjen e Kryeministres Theresa May për të lënë Bashkimin Europian si një marrëveshje të” balancuar “që politikanët duhet ta mbështesin.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.