Ministri Hoti: Përfitimet e Kosovës nga anëtarësimi në Organizatën Botërore të Doganave
Ministri i Financave në Kosovë Avdullah Hoti nëpërmjet një statusi në rrjetin social, “Facebook” ka bërë të ditur edhe përfitimet që do të vijnë nga anëtarësimi në Organizatën Botërore të Doganave, ku ndër të tjera ka shkruar “Ky anëtarësim do të mundësojë:
– Së pari harmonizimin e procedurave doganore me të gjitha vendet e botës, përfshirë vendet që nuk na kanë njohur ende,
– Do të rrisë sigurinë e tregtisë me mallra përmes këmbimit të informatave me doganat e 180 shteteve të tjera anëtare në këtë organizatë;
– Do të rrisë të ardhurat doganore përmes uljes së rrezikut nga kontrabanda për shkak të këmbimit të të dhënave me doganat e 180 shteteve për origjinën e mallrave;
– Do të rrisë kapacitete profesionale të Doganës së Kosovës përmes bashkëpunimit me doganat e tjera”, shkruan Hoti.
Më tej në këtë postim ai shprehet “Doganat e Kosovës nga data 1 prill 2016 u bënë pjesë e sistemit të Doganave të BE-së përmes zbatimit të MSA-së. Ndërkaq, tani me anëtarësimin në Organizatën Botërore te Doganave mundësohet integrim në rrjetin global të doganave. Kjo është një arritje për shtetin e Kosovës. Ky anëtarësimi është një mirënjohje për punën e shkëlqyer që bëjnë doganierët tanë në pikat kufitare të Republikës së Kosovës. Historiku i zhvillimit të Doganës së Kosovës është historiku i zhvillimit të shtetit të Kosovës” thuhet në postim.
Doganat e Kosovës – pjesë e familjes së madhe botërore të doganaveDoganat e Kosovës nga data 1 prill 2016 u bënë pjesë…
Posted by Avdullah Hoti on Sunday, March 5, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.