Ministri i Mbrojtjes së Sipërmarrjes, Shalsi: Ka një skenar që vendet e vogla të rikuperohen më me shpejtësi se vendet e mëdha

“Ekonomia e vendeve të vogla mund të rikuperojë më shpejt se ajo e vendeve të mëdha”.

Të paktën ky është një nga skenarët për periudhën post-pandemi në Shqipëri. Sipas ministrit për Mbrojtjen e Sipërmarrjes Eduart Shalsi, situata mbetet një ekuacion me të panjohura dhe synimi në këtë rast është ruajtja e ekuilibrave përmes një plani ekonomik që shikohet periodikisht.

“Mbetet një ekuacion me të panjohura, po  bëjmë ç’është e mundur që të ruajmë ekuilibrat. Kemi një plan ekonomik që e shikojmë orë për orë. Skenari më i keq është ai që thonë ndërkombëtarët. Ka një skenar që vendet e vogla të rikuperohen më me shpejtësi se vendet e mëdha. Po punojmë në mënyrë që ta bëjmë sa më të lehtë menaxhimin e situatës dhe të jemi në nivele të përballueshme. Koha do e tregojë është një menaxhim i kënaqshëm i situatës” tha Shalsi për Abc.

Ndërsa analizoi dy paketat e deritanishme të ndihmës financiare, ai evidentoi se janë llogaritur rreth 300 mijë përfitues.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.