Ministria e Bujqësisë “shënjestron” Veriun – Si do të shpërndahen 193 milionë lekë për Lezhën, Shkodrën, Kurbinin dhe Mirditën?
Ministria e Bujqësisë dhe Zhvillimit Rural ka shpallur një tender me fond 193.3 milionë lekë, për rehabilitimin e veprave të programit ujitje – kullim. Fondi do të shkojë për rajonin e Veriut dhe është i kanalizuar në 4 lote.
Konkretisht, 77.4 milionë lekë do të shkojnë për mbrojtjen nga përmbytjet e lumit Drin; 70.5 milionë lekë për mbrojtjen nga lumi Fan, në Mirditë; 18.4 milionë lekë për rehabilitimin e KUL Sanxhak, në Kurbin; rikonstruksionin e godinës së hidrovorit Droje dhe godinës së hidrovorit Balldre, me fond 26.8 milionë lekë.
Sipas detajeve të tenderit të shpallur në Agjencinë e Prokurimit Publik, punimet do të ekzekutohen në një afat kohor 3 – 7 muaj, që nga nënshkrimet e kontratave me subjektin fitues.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.