Ministria e Jashtme: ”Nisen drejt Tiranës, 200 qytetarë shqiptarë që mbetën të bllokuar në Gjermani”
Ministria e Jashtme, ka bërë publik nëpërjet një postimi në ‘’Facebook’’ një lajm të mirë nga Gjermania.
Dyqind pasagjerët shqiptarë të cilët do të duhet të fluturonin sot në orën shtatë të mëngjesit me linjën ajrore Wizzair, u bllokuan në aeroport pa iu dhënë një shpjegim i qartë që përse ishin bllokuar.
‘’Pas interesimit të filluar nga Përfaqësitë tona në Mynih, në Berlin dhe në koordinim me Ambasadën në Budapest, Aviacionin Civil dhe padyshim në koordinim me Task Forcën në Ministrinë për Evropën dhe Punët e Jashtme u bë e mundur zhbllokimi i situatës. Vetë përfaqësues të Konsullatës Shqiptare në Mynih, kanë qëndruar në ambientet e aeroportit deri në momentin që avioni me 200 pasagjerët shqiptarë është nisur nga Memmingen drejt Tiranës . Ministria për Evropën dhe Punët e Jashtme dhe Përfaqësitë tona Diplomatike do t’ju informojnë për çdo hap të ndërmarrë gjatë këtyre ditëve.’’
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
Në tre muajt e ardhshëm, qeveria shqiptare do të emetojë rreth 84 miliardë lekë bono dhe obligacione. Referuar kalendarit të...
