Ministria e Jashtme vijon me masat kundër Covid-19/ Mbyllen edhe 2 kufij të tjerë

Ministria e jashtme ka shpërndarë sot përmes mediave një tjetër njoftim për qytetarët. Me qëllim evitimin e përhapjes së koronavirusit, minstria njofton se Serbia e Sllovenia kanë mbyllur kufijtë duke mos lejuar hyrje në këto dy shtete.

‘’Në vëmendje të shtetasve shqiptarë, Ministria për Evropën dhe Punët e Jashtme bën me dije se nga data 20 mars 2020, autoritetet serbe kanë informuar mbylljen e kufijve të territorit të Serbisë, me qëllim evitimin e përhapjes së virusit Covid-19. Për pasojë, shtetasit e vendeve të tjera, nuk do të lejohen të hyjnë në Serbi.’’

Gjithashtu, më herët Ministria e Jashtme dhe Punëve për Europën, informon se autoritetet sllovene nuk do të lejojnë hyrjen në Slloveni për 30 ditët e ardhshme, të shtetasve të vendeve të tjera, me përjashtim të atyre që kanë lejeqendrimi të vlefshme në Slloveni.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.