Ministria e Shëndetësisë hap tenderat për barna – 4.5 milionë euro për 69 lloje medikamentesh

Ministria e Shëndetësisë dhe Mbrojtjes Sociale ka hapur ditën e mërkurë procedurat për prokurimin e një liste me  lloje barnash, të cilat kapin një vlerë totale prej 3 milionë eurosh.

Grupi i parë, ai i barnave të gjakut dhe organet formuese të gjakut, do të ndahet në 14 lote për një vlerë prej 199,9 milionë lekësh. Në këtë listë bëjnë pjesë barna të tilla si serumet e glukozës, faktori 9 për koagulimin, sodiumi enoxaparine, etj.

Në grupin e dytë përfshihen barnat antineoplastike dhe immunomodulatore, antiparazitare dhe dermatologjike. Ky tender kap një vlerë të përgjithshme prej 199.2 milionë lekësh dhe do të ndahet në 34 lote, sipas barnave.

Ndërkohë, tenderi i tretë i hapur ditën e sotme përfshin barnat anti-infektive të përgjithshme. Kjo procedurë është e ndarë në 21 lote, për një vlerë të përgjithshme prej 199.3 milionë lekësh.

Ndarja e tenderëve në lote bëhet për arsye të përfshirjes së sa më shumë operatorëve ekonomikë në procedura, duke garantuar një çmim më të favorshëm për Ministrinë e Shëndetësisë për barnat, si edhe duke reduktuar rrezikun e një monopoli në furnizimin me ilaçe.

A.H./SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.