Ministria e Shëndetësisë rikonfirmon: Në Shqipëri nuk ka asnjë rast të konfirmuar me COVID-19. 13 raste të dyshuara rezultuan negative

Ministria e Shëndetësisë informon se deri tani në Laboratorin e Virologjisë në Institutin e Shëndetit Publik janë testuar 13 raste të dyshuara dhe pas testimit kanë rezultuar negative.

Diagnoza e plotë e COVID-19, kryhet pranë Laboratorit të Virologjisë në ISHP, i vetmi në vend i çertifikuar nga OBSH.

Në njoftimin e Ministrisë së Shëndetësisë këshillohet që ata që kanë udhëtuar në vendet e prekura nga Koronavirusi dhe janë kthyer në Shqipëri, duhet të telefonojnë në numrin pa pagesë 127 nëse gjatë dy javëve pas kthimit ju shfaqet kollë, temperaturë dhe vështirësi në frymëmarrje.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.