Ministrja Denaj i përgjigjet presidentit: “Meta keqinterpreton. Rruga Vlorë-Orikum, jo hua e re, por e negociuar më parë”
Ministrja e Financave Anila Denaj i është përgjigjur me fakte konkrete Presidentit të Republikës, për marrëveshjen e huasë me fondit saudit të zhvillimit për projektin e rrugës Vlorë Orikum. Zonja Denaj tha se nuk ka patur negociata pasi nuk bëhet fjalë për një hua të re, por për një hua të negociuar më parë, duke nënvizuar se gjithçka ka qenë brenda kushtetutës. Për ministren president po bën interpretim të gabuar me qëllim.
“Nuk bëhet fjalë për marrjen përsipër të një detyrimi financiar të ri për Republikën e Shqipërisë jashtë parashikimeve buxhetor dhe termave financiarë të negociuar më parë. Ky është një rialokim të një detyrimit siguruar më parë nëpërmjet një marrëveshje ndërkombëtarë të ratifikuar në Kuvend me ligj të veçantë.
Ajo që kërkohet të arrihet është që me të njëjtin fond dhe burim financiar të negociuar dhe siguruar sipas parashikimeve kushtetuese dhe ligjore të realizohet një projekt tjetër infrastrukturor në të njëjtën qark. Dakordësia me palën saudite për të ndryshuar objektin e financimit por jo termat financiarë, as shumën, as normën e interesit dhe as afatin kohor.”
Ishte kryeministri Edi Rama që deklaroj pak ditë më parë se presidenti Meta po bllokon ndërtimin e kësaj rrugë ne rruge në Vlorë. Ndërkohë akuzat e mazhorancës presidenti Meta I ka hehdur poshtë duke thënë se qeveria jo vetëm ka shkelur ligjin, por për qëllime politike deviojë fondin nga rruga e Selenicës për në Orikum.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.