Ministrja e Financave takim me kompanitë që operojnë në sektorin e call-center! Diskutohet për informalitetin dhe të drejtat e punonjësve
Në kuadër të takimeve me sektorë të ndryshëm të biznesit, Ministrja e Financave Anila Denaj sëbashku me Kryeinspektorin e Punës, pritën në takim përfaqësues të shoqërive që operojnë në sektorin e call-center
“Diskutuam mbi problematikat dhe sfidat me të cilat përballen shoqëritë e këtij sektori gjatë ushtrimit të aktivitetit të tyre ekonomik. Disa prej çështjeve mbi të cilat diskutuam lidhen kryesisht me informalitetin në tregun e punës në këtë sektor, respektimin e të drejtave të punëmarrësve dhe detyrimeve ligjore për punësimin.
Iu shpreha të pranishmëve se çdo institucion do të jetë në ndihmë të punonjësve dhe bizneseve që respektojnë ligjin dhe të drejtën e punës” njofton ministrja e Financave Denaj.
Sektori i call-center ka pasur ndikim të lartë vitet e fundit në tregun e punës në Shqipëri, pasi pjesa më e madhe e të rinjve e shohin atë si mundësi punësimi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.