Ministrja Ekonomi në Durrës: Thjeshtohen procedurat për të bërë biznes në vend

Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi zhvilloi sot një vizitë në Durrës, ku u takua me stafin e një prej bizneseve më të suksesshme në sektorin e prodhimit.

Ekonomi uroi pronarin e kësaj sipërmarrje për punën e madhe dhe pasionin e tij në zgjerimin e biznesit, si dhe rritjen e punësimit. Më tej ministrja nënvizoi se ky biznes është shndërruar në një model për sipërmarrësit e tjerë në Durrës.

Ajo shtoi se qeveria po vazhdon të bëjë përpjekje në lehtësimin e të bërit biznes, veçanërisht përmes thjeshtimit të procedurave në QKB, apo në tatime, ku tashmë çdo gjë plotësohet online.

Durrësi ka gjithsej 13,125 ndërmarrje, 30% e të cilave janë sipërmarrëse femra.​​​​

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.