Miratimi i aktit normativ, Ahmetaj: Shteti nuk i ka më asnjë borxh kompanive. Shlyhen 3.6 mld lekë detyrime të prapambetura
Gjatë raportimeve në Komisionin e Ekonomisë, ministri Ahmetaj foli për aktin normativ të miratuar së fundmi ku përcaktohen ndryshimet në buxhetin e vitit 2017.
Në fjalën e tij, Ahmetaj u shpreh se me kalimin e aktit normativ shlyhen të gjitha detyrimet e prapambetura, të krijuara 5 mujorin e këtij vitit ku vlera është 3.6 miliardë lekë.
“Me aktin normativ shlyhen të gjitha detyrimet e prapambetura të krijuara në 5 mujorin e këtij viti. Konkretisht vlera e detyrimeve është 3.6 miliardë lekë. Tashme me këto ndryshime shteti nuk i ka borxh asnjë kompanie”, pohoi Ahmetaj, duke theksuar se shlyerja e detyrimeve bëhet kryesisht për kompanitë publike në infrastrukturë.
Ministri i Financave foli në Komision edhe për zërin e shpenzimeve, ku deklaroi se shpenzimet kapitale kanë rëndësi edhe gjatë vitit të ardhshëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.