Miratohen dy marrëveshje ndërkombëtare, Denaj: “Kemi përfitime të drejtpërdrejta në investime, kryesisht në turizëm dhe infrastrukturë”

Kuvendi i Shqipërisë miratoi marrëveshjet financiare ndërkombëtare për bashkëpunimin ekonomik  me qeverinë e Emirateve të Bashkuara Arabe dhe atë të  të huas për programin e zhvillimit të turizmit dhe infrastrukturës në Shqipëri . Ministrja e Financave dhe Ekonomisë Anila Denaj theksoi se marrëvshja e parë i përgjigjet rritjes së bashkëpunimit  dhe investimeve mes dy vendeve.

“Kjo marrëveshje synon konsolidimin e këtij bashkëpunimi industria. Tregtar, investime në turizëm, logjikë dhe infrastrukturë. Marrëveshja do përfshijë jo vetëm bashkëpunimin qeveritar, por edhe në sektorin privat duke nxitur sipërmarrjet private për zbatimin e projekteve në fushat me interes reciprok. Përveç faktit që është një situatë e vështirë pandemie, marrim një investim prej 40 mln eurosh.”

Denaj  u ndal në përfitimet  e drejtpërdrejta  nga marrëveshja  me Bankën Europiane  Për Rindërtim dhe Zhvillimin, për huanë që do të investohet kryesisht në zhvillimin e turizmit.

“Qytetarët e Lurës do të kenë një rrugë ët rehabilituar që do ndërlidhi Verlatin me Lurën. Qytetarët e Fierit dhe në zonat përreth do të shohin investime në zonat bregdetare të Fierit, në zonën bregdetare të Darëzezë që, nga lumi Seman në lumin Vjosë si dhe rehabilitim të zonës së Apolonisë. Në Shkodër do të mundësojmë një ndërhyrje të integruar në zonën e Liqenit dhe në Shirokë, si dhe Zogaj në kufi, duke mos harruar investimet e munguara në kalanë e Rozafës dhe muzeun e Arteve të Bukura. Në Berat do të ketë një vëmendje në përmirësimin e ofertës turistike malore, me zona malore si mali iTomorrit dhe në kalanë e Beratit. Në Korçë do fokusohemi te zonat kulturore rreth qytetit. ”

Marrëveshja e nënshkruar  me qeverinë e Emirateve të Bashkuara  Arabe parashikon  investime  disa sektor  si dhe shmangien e  tatimit të dyfishtë dhe parandalimin e evazionit fiskal në lidhje me taksat mbi të ardhurat.  Ndërkohë marrëveshja e huasë prej 100 mn eurosh me BERZH do të financojë programin e parashikuar për zhvillimin e turizmit dhe infrastrukturës në Shqipëri.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.