Miratohen në parim taksat dhe buxheti 2022 – Opozita kundër: Penalizoni qytetarët dhe favorizoni oligarkët. Braçe, 3 propozime për taksat
Me votat e maxhorancës, Komisioni i Financave dhe Ekonomisë miratoi në parim projektligjet e paketës fiskale dhe projektbuxhetin për vitin 2022. Deputetët e opozitës kritikuan ashpër ndryshime t e taksave, që sipas tyre penalizojnë qytetarët dhe favorizojnë oligarkët, ndërsa shtuan se buxheti i vitit që vjen neglizhon sektorët kryesorë të ekonomisë.
Do të jetë shqyrtimi nen për nen projektligjeve që do të përcaktojë nëse do të ketë ndryshime taksash për vitin që vjen. Ndërkohë që, propozime konkrete ka patur edhe nga deputeti i Partisë Socialiste Erion Braçe, i cili një ditë më parë kërkoi 3 ndërhyrje në drejtim të taksimit.
Paralelisht, edhe kryetari i Komisionit, Eduard Shalsi shprehu rezerva për disa prej propozimeve të qeverisë, por sipas tij ajo do të diskutohen së bashku me propozimet e tjera.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.