Miratohen stafet e KLGJ e KLP/KLGJ e pakënaqur nga numri i punonjësve. “Nuk do jemi rezultativë”

Organet e reja të drejtësisë, do t’i kushtojnë shtrenjtë buxhetit të shtetit jo vetëm për shkak të pagave shumë të larta të anëtarëve të tyre, por edhe një numri të konsiderueshëm punonjësish që do angazhohen në mbështetje të tyre.

Komisioni Parlamentar i Ligjeve miratoi të martën numrin e punonjësve mbështetës të Këshillit të Lartë gjyqësor dhe Këshillit të Lartë të Prokurorisë, administratat e të cilave do të përbehen përkatësisht nga 125 dhe 65 persona.

Numri i punonjësve u konsiderua shumë i ulët nga Këshilli i Lartë i Drejtësisë. Sipas Zëvendëskryetarit të KLGJ, Maksim Qoku, për të qenë rezultativë, këtij institucioni i nevojitet një staf mbështetës prej 180 vetësh.

Qëndrim që nuk u prit aspak mirë nga Bashkim Fino, relatori i Projektvendimeve për caktimin e numrit të punonjësve të dy organeve të drejtësisë.

Fino tha se për të mbuluar kostot totale të dy Këshillave, bashkë me SPAK dhe Byronë Kombëtare të Hetimit është parashikuar në buxhet një fond prej rreth 4 milionë dollarësh për vitin 2019.

Miratimi i projekteve u bë me votat unanime të deputetëve të mazhorancës, ndërkohë që nga opozita nuk mori pjesë në punime asnjë deputet.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.