Miratohet fondi 8.7 miliardë lekë – Ahmetaj: Do të ndërtojmë 2500 banesa
Gjatë konferencës së sotme për mediat, Ministri për Rindërtim, Arben Ahmetaj njoftoi miratimin e fondit të alokuar prej 6.28 miliardë lekë me të cilin do të rindërtohen 2500 banesa individuale nga Fondi Shqiptar i Zhvillimit.
Sipas Ahmetaj shifrat e sakta të shtëpive që do të rindërtohen janë 683 njësi individuale 1+1, 972 të tilla 1+2 dhe 845 banesa 1+3.
Për Bashkinë e Tiranës fondi është në masën 2.2 miliardë lekë për rindërtimin e 889 njësive individuale, tha Ahmetaj.
“Dua të njoftoj dhe informoj gjithashtu të interesuarit duke filluar që nga sipërmarrjet që kanë interes të marrin pjesë, dhomat e tregtisë të sektorëve të ndryshëm dhe dhomat e huaja të biznesit se javën që vjen shpallet gara ndërkombëtare nga Bashkia e Tiranës dhe FSHZH për 3400 shtëpi individuale”, bëri me dije Ministri.
Posted by RADIO TELEVIZIONI SCAN on Friday, March 6, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.