Miratohet harta e re gjyqësore/ Nga 36 gjykata, numri reduktohet në 15 – Manja: Do të rrisë eficencën e drejtësisë
Pas polemikash që zgjasin prej muajsh, organet drejtuese të sistemit të drejtësisë kanë bërë publike hartën e re gjyqësore, e cila redukton ndjeshëm numrin e gjykatave e prokurorive në gjithë vendin.
Ajo parashikon reduktimin e numrit të gjykatave nga 36 në 15, ndërkohë që do të ekzistojë vetëm një gjykatë apeli e juridiksionit të përgjithshëm. Ministri i Drejtësisë tha se harta e re gjyqësore do të afrojë gjykatat me njeriut, do të rrisë cilësisë dhe se do garantojë shfrytëzim më efektiv të burimeve publike.
Kreu i Këshillit të Lartë gjyqësor Naureda Llagami tha se qëllimi I grupimit të gjykatave është rritja e cilësisë dhe e eficiencës së institucioneve të drejtësisë.
Harta e re parashikon shkrirjen e 10 gjykatave të shkallës së pare, të cilat janë: Tropoja, Puka, Mati, Kruja, Kavaja, Lushnja, Përmeti, Saranda, Pogradeci, Kurbini. Ndërkohë nga 6 gjykata Apeli të shkallës së parë që janë aktualisht propozohet vetëm një në Tiranë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.